انطلاق قناة التليفزيون العربي لمدة 21 يوم فقط

انطلقت الأربعاء الماضى الموافق 21 يوليو 2010 قناة التليفزيون العربي في الساعة السابعة مساءً وهو ذات اليوم والتوقيت الذي انطلق فيه البث التليفزيوني منذ خمسين عاماً وسوف تبث القناة مواد نادرة من التراث التليفزيوني وكلها مواد أبيض و أسود فقط تُعبر عن التليفزيون في بداياته وتقدم القناة مجموعة من الحوارات مع كبار المذيعين " ليلى رستم – طارق حبيب – سلوى حجازي – أماني ناشد – أحمد فراج – وغيرهم " كما تعرض القناة مجموعة من المسلسلات العربية القديمة بمشاركة عمالقة التمثيل و التأليف والإخراج و يستمر إرسال القناة لمدة 8 ساعات يومياً وتتكرر 3 مرات على مدار اليوم ، ويستمر إرسال القناة مواكباً للاحتفال باليوبيل الذهبي لمدة 21 يوم و يتوقف مع بدء شهر رمضان المبارك.

وتردد القناة على القمر الصناعي المصري نايل سات هو 11765 باستقطاب أفقي ومعدل ترميز 27500 ومعدل تصحيح خطأ 6/5

وقد بدأ البث الرسمي للقناة بكلمة الرئيس الراحل جمال عبد الناصر وتلاه فيلم تسجيلي عن التليفزيون المصري ثم لقاء مع النجم الراحل عبد الحليم حافظ .. وتوالى عرض البرامج ومن ضمنها برنامج تقدمه الفنانة ميرفت أمين وتستضيف فيه تحية كاريوكا وسعاد حسني .. ولقاء مع الفنانة فاتن حمامة تقدمه أماني ناشد .. وبرنامج كاميرا 9 الذي تقدمه نجوى إبراهيم ويستضيف في حلقة واحدة صلاح جاهين وبليغ حمدي وأحمد فؤاد حسن إضافة إلى مباراة بين منتخب الأهلي والزمالك وفريق توتنهام الإنجليزي

منقول
اسم القناة على الريسيفر Arab Television
للتواصل مع قناة التليفزيون العربى Arab Television
تم يوم 23 يوليو 2010 افتتاح موقع على الانترنت
و عنوانه

شاهدت على القناة
و هى اسمها على الرسيفر Arab Television
برنامج لأمانى ناشد مستضيفة فاتن حمامة
بصرف النظر عن اى شئ اللى عجبنى جدا هو ازاى الممثلين النجوم بجد بيتكلموا بمنتهى البساطة من غير انعرة و لا منظرة و انزحة ولا لَوْئِة بُق ولا يضموا الألف بالطريقة السخيفة بتاعة الهفأ بتوع دلوقت ..
فعلا كانوا نجوم بجد ..
مش شوية السفاسف بتوع دلوقت
تحياتى
امير المصرى

شاهدت ايضا لقاء ليلى رستم مع محمد عبد الوهاب على مسرح التليفزيون فى برنامج نجمك المفضل .. تحفة .. مافيش مقاطعة اسئلة محترمة سواء من الجمهور او المذيعة القديرة و هدوء و تواضع من الرائع عبد الوهاب .. مافيش تريقة مافيش استخفاف بالناس مافيش جمهور مصطنع .. المسرح كان بيتفتح و الناس بتدخل بتذاكر .. بتدفع مش بتقبض ..

برنامج امانى ناشد مع فاتن حمامة سهرة مع فنان ..
و امانى ناشد ماتقولش لفاتن حمامة لا يا مدام فاتن و لا يا نجمتنا ولا يا فنانة ..
بتقولها طيب ست فاتن قولى لنا كذا .. يا ست فاتن ..
الله على الجمال و النعومة و الحلاوة الدفا اللى بجد ..
فعلا و بصراحة .. انا ذهلت ..
مش لأنى اول مرة اشوف الكلام ده ..
لأن الذاكرة اتملت تراب و هباب و زبالة المذيعات الجدد و الفنانين الجدد المرتزقة ..
لا مذيعة تدى فرصة لحد يتكلم ولا اصلا اللى بيتكلم عنده كلام عدل يقوله ..

مش عارف ليه كنت باسمع اللى بيقولوه
كبار بدأنا .. صغار نستمر .. هم قصدهم كبار نستمر و لكن انا كنت باسمعها كده ..
واضح اننا فعلا إتأخرنا كتير عن بدايتنا و السبب هو الـ 40 سنة العجاف اللى فاتوا
فماذا يمكن ان يقدم هذا النظام الحاكم العقيم ؟؟

المهم بقى انا سجلت شوية برامج من الحاجات الجميلة دى .. و سجلت نشرتين اخبار من الجريدة المصورة

اللى فى الصورتين اليسار اللى تحت ده عبد الله السلال فى زيارته لمصر

و لقاء الراحلة سلوى حجازى (بالست) أم كلثوم فى فرنسا ..
قد ايه الست عظيمة عظيمة عظيمة ..
الى آخر ما يمكن ان يصل اليه انسان من عظمة .. وفى منتهى التواضع ..

تخيلوا الست العظيمة دى اللى بتقف على المسرح تهزه و اللى الجمهور بيكسر الدنيا قدمها وهى لا تهتز ..
قد ايه كانت محرجة و مكسوفة من كاميرة التليفزيون ..
و الله عليها لما سلوى حجازى بتقول لها انا سمعت ان اجرك من حفلة فرنسا 14 الف جنيه (تقريبا مليون جنيه بسعر ايام مبارك اللى عايشين فيهم) ..
فقالت ايوة ..
فقالتها لها و ها تتبرعى بيه كله للمجهود الحربى ..
فردت العظيمة ام كلثوم بمنتهى الحب و منتهى التواضع و منتهى العظمة ..
و قالت .. مش كتير .. مش كتير على المجهود الحربى ..
الله عليكى و الله يرحمك يا ام كلثوم و يدخلك جنته من اوسع ابوابها ..
و يرحم الشهيدة سلوى حجازى اللى اسقطت اسرائيل الطائرة المدنية التى كانت على متنها ..
و يرحم كل الشهداء الذين اضاع النظام الحالى 71-2010 دمائهم هدرا ..
و يخرب بيت حكومة الحزب و حزب الحكومة
تحياتى
امير المصرى

و سجلت حلقة من برنامج عصافير الجنة .. ده برنامج اطفال كان بييجى كل اسبوعين .. بس مش لجيلى .. انا كنت عديت خلاص و كبرت لأنى من جيل ماما سميحة و برنامج جنة الأطفال مع بداية التليفزيون .. ياريت يكون عندهم تسجيل ليه ..
و كانت افتتاحية عصافير الجنة اغنية لطيفة جدا بتقول

طير طير
يا امير العصافير
طير طير
يا ابو ريش كله حرير
يا ابو ديل لسة قصير
و جناح لسة صغير
بكرة اوام راح تكبر
و ترفرف وتطير
طير طير
يا امير العصافير
طير طير
يا ابو ريش كله حرير
ولو انه صغيور
لكن اجمل عصفور
و قريب ها يزقزق
مع كل العصافير
طييييييير ..
طييييييير ..
طييييييير....

جدول اليوم
24-07-2010

بث مباشر 12:00 AM 12:30 AM
مسرحية القاهرة فى الف عام 12:30 AM 3:30 AM
برنامج على شط النيل 3:30 AM 4:00 AM
احاديث الشيخ الشعراوى 4:00 AM 4:30 AM
اخبار من مصر 4:30 AM 4:45 AM
منوعات 4:45 AM 5:00 AM
مسلسل ناعسة 5:00 AM 6:00 AM
برنامج على شط النيل 6:00 AM 6:30 AM
اخبار من مصر 6:30 AM 6:45 AM
منوعات 6:45 AM 7:00 AM
قران كريم تلاوة الشيخ /عبد الباسط 7:00 AM 7:15 AM
نور على نور 7:15 AM 8:00 AM
عصافير الجنة 8:00 AM 8:30 AM
طائر السعادة 8:30 AM 9:00 AM
اسكتشات 9:00 AM 9:30 AM
مولد القناوى الشيخ المراغى 9:30 AM 10:00 AM
اسكتشات الثلاثى اضواء المسرح 10:00 AM 10:15 AM
كاريكاتير مصطفى حسين 10:15 AM 10:30 AM
خطاب السادات فى مجلس الشعب 1979 10:30 AM 11:30 AM
اسماعيل يس دكتور 11:30 AM 12:30 PM
نجمك المفضل 12:30 PM 1:30 PM
جلسة صلح بين عبد الحليم وفريد الاطرش 1:30 PM 2:00 PM
القمم 2:00 PM 2:30 PM
دائرة الضوء 2:30 PM 4:30 PM
استعراض الفكاهة 4:30 PM 5:00 PM
لقاء همت مصطفى و الرئيس انور السادات ج2 5:00 PM 6:00 PM
سينما القاهرة 6:00 PM 6:30 PM
صورة وفزورة 6:30 PM 7:00 PM
فرصة العمر 7:00 PM 7:30 PM
اسكتشان متنوعة 7:30 PM 8:00 PM
اثنين على الهواء 8:00 PM 8:30 PM
الكورة اجوال 8:30 PM 9:00 PM
من الالف الى الياء 9:00 PM 10:30 PM
القاهرة والناس 10:30 PM 11:00 PM
كاميرا 9 11:00 PM 11:59 PM

لمن يريد التسجيل و المشاهدة من خلال الكمبيوتر
انا باسجل من خلال كارت الديش المتوصل على ال ان بى لقمر النايل سات و اللى مركبه جوة الكومبيوتر .. يعنى اصبحت امكانية فى الجهاز و على فكرة الكارت بالريموت كنترول زى الريسيفر بالظبط ..
و طبعا فيه إمكانية للتسجيل من التليفزيون للقنوات المحلية بس بيحتاج لمكونات اضافية ..
و فيه كارت تليفزيون فقط بتيونر و ريموت برضه و يتوصل عليه مباشرة وصلة الايريال .. لكن الافضل طبعا هو كارت الديش ..
و سعره مش بيتعدى الـ 200 جنيه ..
بنحتاج لـ ال إن بى بمخرجين بدل من ال ان بى اضافى احتمال مايكونش له مكان على الديش و بيركب عليه عشان مخرج منهم ناخد وصلة نركبها للكارت مباشرة و ده سعره بيتراوح مابين 40 الى 60 جنيه حسب النوع ..
المهم طبعا ان الكارت يكون متوافق مع ويندوز 7 علشان مع تطوير الويندوز مانحتاجش نغير الكارت ..
تحياتى
امير المصرى

ممكن التواصل مع القناة من خلال الانترنت على موقع القناة
و فيه صفحة للمشاهدة اون لاين لكل فقرات القناة على مدى الـ 24 ساعة ..

الصفحة الرئيسية

اى خدمة
تحياتى
امير المصرى