FreeRapid-0.83u1 للتحميل من RapidShare - Mega Upload - Hot File و مواقع اخرى

FreeRapid-0.83u1
لتحميل الملفات من مواقع
RapidShare - Mega Upload - Hot File
وغيرها و غيرها

اعتقد ان أكبر مشكلة بتقابلنا عند التحميل من الرابيد شير هى متابعة اللينكات و الانتظار لمدد تتراوح من ساعة لربع ساعة بين كل ملف والتانى ..
و برضه من موقع الميجا ابلود و مواقع تانية كتير ..
بيبقى هم و حمل نفسى و عصبى خصوصا لو ورانا مشاغل ..

محلولة:
طيب ايه رأيكم لو جبت لكم برنامج يشيل هو الهم و يتابع و يكتب كمان فى اغلب الأحيان لو مطلوب كتابة حروف او كلمات عشان فتح صفحة التحميل و كمان يتأكد لنا من اللينكات اذا كانت موجودة و شغالة و لا لأ ..

ايوة ..
البرنامج اللى جبته لكم النهاردة بيتابع اللينكات و يفحصها و يشوفها موجودة و شغالة ولا لأ و يفتح صفحات التحميل مع نفسه و يكتب كمان لو مطلوب كتابة حروف (مش فى كل المواقع) .. و يعرف ها يستنى قد ايه و يستنى و بعدين يحمل ملف و را ملف .. و احنا نشوف اللى ورانا او ننام و نرتاح ..

مجانى و مش نصاب:
البرنامج مافيهوش اى مشاكل و مجانى و مش بيضحك علينا و يقول ها اجيب لك حسابات بريميوم و كلام من ده ..

طيب و التحديث:
تقريبا كل يوم بيحدث نفسه و يضيف مواقع جديدة و امكانيات جديدة لتسهيل التحميل ..
و دى صورة البرنامج شوفوا انا محمل منه ملفات قد ايه و من كذا موقع كمان ..

هاتقابلنا مشاكل فى تشغيله؟ :
البرنامج تشغيله سهل جدا
1 - هانفك الضغط عن الملف
2 - هاناخد الفولدر و نحطه فى اى مكان عايزينه (مثلا جوة Program Files )
و نعمل Short Cut لملف التشغيل و ناخده على الديسك توب عشان يبقى قدامنا و نشغله وقت مانحب ..
3 - بعد كده نفتح البرنامج و من Options هانختار Preference و نحدد مكان حفظ الملفات اللى هاننزلها من النت و اللغة اللى عايزين نستخدم بيها البرنامج (غالبا هو بيفتح عربى مع اول تشغيل بس انا مش باحب الواجهات العربى لأنهم بيترجموا بطريقة ليها العجب )
4 - بعد كده مجرد اننا ناخد كوبى من اى لينك او او مجموعة لينكات البرنامج ها يفتح لنا ويندو فيها اللينكات و يقولنا نختار يا اما نبدأ التحميل فورا او ياخدها البرنامج و يستنى
5 - لما نبدأ التحميل البرنامج ها يختبر اللينكات و يبدأ فى تحميل اول اللينك و يخلى الباقيين متستعدين اذا كانت اللينكات موجودة و شغالة و دى طبعا ميز و بتوفر مجهود اختبار اللينكات خصوصا لو كانت كتير ..
بس كده ..
و اى اسئلة او استفسارات يا اما تفتحوا صفحة البرنامج على النت يا اما تسألونى هنا و انا تحت امركم ..
اتمنى تتبسطوا من البرنامج و منتظر تعليقاتكم بعد تجربته
لتحميل البرنامج
من الرابيد شير ملف مضغوط حجمه 6 ميجا بايت تقريبا
FreeRapid-0.83u1
تحياتى
امير المصرى